譚淑芬 師範

你地好! 我係譚淑芬，我由1994年開始學習跆拳道，直至1997年考獲黑帶，在色帶既時候，我參加了好多比賽，當中亦得到唔少獎盃、獎牌。

由剛考到黑帶至現在，當中經歷過好多事情，我由1999年開始已在長沙灣區開設第一個跆拳道班，同年於1999年加入香港代表隊， 首次出國集訓，代表香港比賽，參加黑帶賽…等。在會外考獲中級教練、二級裁判、跆拳舞教練、急救證書…等。

在會內曾擔任不少職務，例如: 西九龍區副主席、主席、黑帶會副主席、主席、評核局副局長、評核局局長…等，直到現在我已教授過差不多10個道場，黑帶學員接近20人，我宜家已經黑帶四段喇。

我發覺在會內或者會外雖然都有很多事務，但係可以學倒好多野，對於我的工作有很大幫助，令我成長了很多，我唔同意學跆拳係一種浪費時間的運動，只要有適當的安排，其實都可以好充實。所以我對跆拳充滿熱誠，大家要記得做得多學得多，好似讀書一樣，讀得多自然學得多。未來我會繼續支持同幫助真武發展，繼續將真武跆拳發揚光大，你地都要繼續努力同支持真武。

最後，最緊要多謝既人就梗係我師父(伍英基)同我屋企人(爸爸、媽媽)啦，冇咗佢我就乜都學唔倒，大家都要記住呀!